夏里遜福養傷3個月新片勢停拍

將於7月13日迎來79歲生日的荷里活男星夏里遜福（Harrison Ford），上月為新作《奪寶奇兵5》（Indiana Jones 5）的打鬥場面綵排時，因傷及肩膀舊患而入院施手術。雖然導演占士曼高（James Mangold）堅持唔「熄機」，繼續拍攝其他演員的戲份，但近日有指電影難逃停拍厄運！

據知福伯的傷勢比預期嚴重，要停工至少3個月，至9月才能復拍，勢將影響原定明年7月的映期，消息人士說：「唔係所有人都預計到出現咁嘅情況，所有人都好關心夏里遜，唯一慶幸就係佢正康復中。」