昔日東方祖兒揀歌考新人 張敬軒自爆有「鹹濕耳」
在英皇舉辦的「新秀訓練營」中，14位新秀訓練生正式進入培訓階段，於3日2夜訓練營接受唱歌、跳舞及演技考驗，同樣是唱歌比賽出身的泳兒和許靖韻，更親自到場指導學員，而吳浩康及洪卓立亦有現身打氣。
訓練結束後，日前播出的一集中，張敬軒和當奴擔任星級評判，軒仔說：「我太唔適合做呢種比賽嘅評判，因為有太多情緒干擾，冇辦法做到個好嚴厲嘅評判，係會有啲同情分。」又說自己有「鹹濕耳」鍾意聽好聲音。
首場唱歌對決是由兩隊學員的隊長「燒賣」對戰「大家好」，並以大師姐容祖兒親自挑選的《東京人壽》作賽，最後由「大家好」先拔頭籌勝出，而第2場則由被軒仔讚識揀歌的「Midnight」勝出。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
