昔日東方黃智雯浪漫舞曲 王敏奕賣萌
飾演拆彈專家的黃智雯與法醫人類學家的王敏奕於劇中乃好姊妹，不過一齊愛上人格解離的浩信，表面看似愛上同一個人，但其實與兩個不同性格的浩信談戀愛。智雯透露與男方的感情線非常浪漫，其中一場跳舞戲份，更特意找來導師編舞：「當初浩信知道有場跳舞戲好雀躍，雖然佢拍得好辛苦，但都抽時間去排舞，前後排咗兩星期。其實以往劇入面比較少用舞蹈方式去演一段感情，好想好好把握，見到出嚟效果都好鍾意。」
而敏奕表示劇中大部分演員角色都很Cool，故特別安排她演陽光氣及可愛角色，為故事起緩衝作用：「叫做苦中一點甜，今次首次同浩信、智雯合作，佢哋已經係好犀利嘅演員，但同我一樣對角色有追求，喺佢哋身上見證到，就算做咗演員幾耐都好，都要保持初心。」至於黎諾懿演重案組總督察，劇集初段同時與智雯及傅嘉莉有感情線，但兩女分別與浩信過電，關係複雜，他說：「同智雯本身地下情，最終佢揀邊個大家慢慢睇。今次角色係深層少少，亦正亦邪。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
