《職7》又停拍！ 湯告魯斯疑中新冠肺炎

靚佬湯主演兼監製的《職7》多番因為疫情延誤拍攝，他對防疫非常緊張，早前流出他於片場鬧爆工作人員違反防疫指引的聲帶，又傳他於片場安置防疫監視機械人。雖然做足防疫工夫，但英國片場本月初有14名工作人員確診，其他人需要自我隔離2周，最近又新增一名確診者，被迫再次停工，靚佬湯更被懷疑是確診者！

知情者透露：「《職7》拍攝再次暫停，因為有人中咗新冠肺炎。今次製作人員喺度傳，靚佬湯就係延誤嘅原因。片場所有人被通知有一個人確診，之後靚佬湯冇再出現喺片場。依家啲人喺度估佢可能同確診者接觸過，亦有人話確診者直頭就係佢。」不過知情者表示以上說法純屬猜測，並無真憑實據。

目前未知靚佬湯有否曾接種新冠疫苗，不過即使已注射，亦不是百分百防止感染。假如他真的確診，其緋聞女友拍檔Hayley Atwell亦很大機會中招！