蔡嘉欣出戰排球賽 勁瘀！

日前出戰無綫《明星運動會》排球項目的蔡嘉欣，在社交網大晒「戰績」，雙手又紅又腫，其後更變成瘀黑色！她受訪時自爆中學是排球校隊，以1米70身高贏盡優勢，如今相隔15年重拾興趣，有久別重逢感覺：「仍然都係覺得咁痛，哈哈！隔咁耐再打，技術一定生疏咗，但竟然比想像中好，幾驚完全唔記得晒，好彩搓波就搵番個感覺，都幾開心！」比賽翌日，她帶着瘀傷錄影節目《姊妹淘》，擔心觀眾誤會她被虐待！而等候比賽期間，好友王菲出賣她的睡相，搞笑留言︰「台上激烈比賽，台下……」