1打11 睇少眼都唔得張栢芝愛心老師按摩氹細路

張栢芝自小夢想當幼稚園老師，近日終「願望成真」，她於內地綜藝節目中，擔任了一天幼稚園老師，由跟他們玩耍，到氹睡午覺，她都甚有辦法。栢芝笑言全因自己太愛小朋友，還直言退休後考慮開辦幼稚園，讓她可以跟小朋友日夕相處。

育有3名兒子的張栢芝一向是育兒專家，經常為朋友解答湊仔疑難，早前她終可一展身手，於綜藝節目《給生活好看》化身幼稚園老師，並且「1打11」，1個人照顧11個小朋友，當中困難可想而知，眾小朋友製造的問題層出不窮，由早上在操場爭皮球，午飯時「開戰」，到搗蛋反轉整個課室，栢芝都能迎刃而解，很有耐性地循循善誘，之後還要當上「打掃工」，拋開藝人身段，跪下抹地、搬床，真的相當忙碌。

最緊要一眼關七

到午睡時間，栢芝為安撫小朋友睡覺，還化身「按摩師」為他們平復情緒，照顧得無微不至！事後受訪時被問到「1打11」是否很吃力？她笑言：「對我嚟講，照顧咁多小朋友唔困難，亦冇乜壓力，反而我最緊張佢哋嘅安全，真係要一眼關七，睇少眼都唔得。」

夢想開幼稚園

栢芝指小時候已有夢想開一間幼兒園，當幼兒園老師，因她實在太喜歡小朋友，她說：「所以如果將來我唔做呢行，又或者退休嘅話，都會考慮開間幼稚園，呢個工作可以一直做到老。」