遭潘梓鋒打傷 崔建邦：提唔起隻手

無綫舉行的《明星運動會》，頭炮拳擊項目將於6月28日在J2的《明星運動會前哨戰：Fight盡》播出。昨日領隊崔建邦與有份參賽的潘梓鋒、海俊傑、李君妍及容天佑等現身電視城。潘梓鋒自爆打中崔建邦二十多次胸口，但對方仍化身暖男為他刮痧，而崔建邦笑言潘梓鋒錫住他才不打頭：「依家提唔起隻手。」而杜沚諾比賽期間疑遭崔建邦打裂兩條肋骨，但原來「真兇」另有其人，他說：「一條肋骨彎咗，兩條裂咗，練習時可能已經傷咗，係我死頂！同吳業坤練嗰陣，佢打中我肋骨位，我眼前一黑痛到標冷汗。（佢打裂你肋骨？）唔係，佢好輕力，其實個個有份，練習時個個都對打。」