藍帶廚神學貫中西 蔣怡怕為錢煩惱無意開餐廳

熱愛烹飪的她完成藍帶廚藝課程後，近年開始學中廚課程，更中西合璧推出食譜：「當初學藍帶課程有啲因為名氣，依家上緊初級中餐課程，中餐真係博大精深，學咗成年先學咗外省菜，愈學愈覺得自己好多嘢都唔識，學得愈多發揮空間亦愈多。」

學貫中西的蔣怡坦言無意開餐廳，純粹因太喜歡下廚：「自己對煮嘢食真係好有興趣，但係應該唔會開餐廳，因為唔想變咗為燈油火蠟、夥記返唔返工而煩惱，希望保持煮嘢嘅熱情，學完變化出自己嘅菜式，更加有成功感。」育有一對子女的她笑言，囡囡是其忠實粉絲，兒子亦對下廚有興趣，不時想走入廚房幫手：「老公成日叫我培養個仔將來做最年輕嘅『少年廚神』。」