囡囡青春期 森美呻冇得錫

已為人父的陳豪及森美昨日現身電影首映禮，陳豪冧爆表示獲3子女獻吻：「我哋成家人食咗個父親節午餐，依家做完嘢返屋企，聽講有蛋糕切。」至於森美扁嘴說：「囝囝啱啱喺英國返嚟，依家隔離緊。我個女青春期，見到我知我想捉佢嚟錫，兩呎外就跑走！不過佢都孝順，整咗芝士煎蛋同咖啡畀我歎。（你唔受歡迎？）我好受歡迎，上星期買平板電腦畀個女。小朋友喺佢哋呢個年紀係青春期，要大咗先識孝順父母。」問到陳豪會否擔心將來被女兒「嫌棄」？他笑言：「所以趁佢仲細，有得攬就攬，有得錫就錫。」