昔日東方陳婉婷搵錢少 賺滿足感
藝人陳婉婷（Hebe）在無綫效力8年，但因樣貌具古典美，被派演丫鬟角色超過30次，因而有「最索丫鬟」稱號。2019年，她決心跳出舒適圈，離開電視台，但她的心一直無離開過，可能從小對電視有種情意結：「如果冇睇電視，返學同同學係傾唔到偈。」
想同曾志偉演戲
入行前她在理大修讀Marketing副學士，但沒有再讀學位課程，眼見好多同學都做銀行和金融，賺錢能力超強，有時被問到買樓問題，她自嘲冇首期，感到好尷尬，她說：「佢哋係賺好多錢，但佢哋返工唔開心，雖然我份工唔穩定、搵錢唔多，但我好開心，演到一場好戲，滿足感係買唔到。」
提到家人無限量支持，她不禁哽咽：「有時親戚朋友會話你好地地讀商科，點解要做份唔穩定嘅工？玩夠就搵番份穩定！佢哋覺得我係玩，但我屋企人從來唔係咁諗，知道我好努力，家姐成日講：『丫鬟唔緊要呀！范冰冰第一套《還珠格格》都係做丫鬟，努力一定有機會。』」性格樂觀的Hebe認為古裝不是做妃子，便是做丫鬟：「范冰冰、劉詩詩做宮女時，個個阿哥都追佢哋，做乜冇所謂，最重要有發揮。」她離開電視台後，曾回歸拍過廣告，認為離開未必是分開：「好多人問我想唔想返去拍綜藝節目，如果話同曾志偉做綜藝，我反而想同佢演戲多啲，好鍾意佢喺《星願》裏面同洋葱頭一幕，我鍾意做演員。（做番丫鬟？）都OK㗎！」
近日她在電影《黑水界》中擔綱女主角，由丫鬟躍升做女一！她表示當日跟導演首次見面，已傾劇本和價錢，她也不敢相信是真的：「原來呢行無論你幾進取去面試或者去爭取，都係冇用，好似我做模特兒時，試過100次Casting，冇一次中，反而今次搵我拍戲，完全唔使面試。」
Profile：
三圍：33B、25、34
身高：1米63
嗜好：吃東西、旅行、水上運動
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
