首度開腔認不雅片主角　吳偉豪被嘲「小器」：冇放喺心！

「朱凌凌」吳偉豪自上月捲入自慰片風波後一直「潛水」，昨日終於在劇集宣傳活動中蒲頭，直認是片段主角，雖然後悔當日拍片，但事件未有影響心情，更揚言未有把網民評論下體Size一事放在心上。

藝人吳偉豪、呂慧儀、葉蒨文、劉丹、許家傑及袁文傑等，昨日出席無綫處境劇《愛．回家之開心速遞》宣傳，期間宣布該劇再添180集，正式衝破1,400集。而憑「朱凌凌」一角而人氣急升的吳偉豪，上月捲入自慰片風波後首度現身，與劇中的「島大」同學一起出場，見他與眾人有講有笑，明顯心情不錯。

活動後吳偉豪受訪，指事件曝光後也有繼續開工，被問到為何片段會流出？他說：「交咗畀警方處理，唔方便討論。呢條片係我嚟，其他嘢唔回應。（有冇影響心情？）都冇。（家人有冇鬧你？）冇，都想多謝番呢段時間支持我嘅家人、同事、朋友同Fans。（點解你會拍呢段片？）都唔方便回應。」被問到可有後悔拍了這段片，他說：「都覺得唔應該做。（怕唔怕影響形象？）都唔會，多謝公司體諒。（網上留言比較差，自己會唔會唔開心？）都唔會被影響到，都要專注工作。（網友批評你『身體』嘅size，有冇唔開心？）冇放喺心度！（驚唔驚有其他片段？）唔方便回應。（條片係前女友放出嚟？）大家諗多咗，交咗畀警方，唔方便回應。」

呂慧儀唔夠「心機」

而許家傑和袁文傑均鼓勵吳偉豪，認為私人事自己會處理，相信他經一事長一智，最重要是專注工作。至於對上兩屆的落選港姐拍片爆「心機女」佳麗出陰招，身為師姐的呂慧儀笑說：「我當年咪唔夠心機囉！其實唔好諗得咁複雜，最重要係享受過程同有自信心。」