余曉彤：教練上水先後係因應情況

擁潛水教練牌及15年潛水經驗的藝人余曉彤（Hidy），指一對一潛水訓練已是最全面的教學：「教練當然會跟足課程去做，但每次上堂要因應當時環境、學生情況、對水嘅適應力嚟作出調整，事前亦會同學員溝通清楚。（咁一對一學潛水嘅話，應該學員定教練上水先？）冇一定，會因應情況，有時教練上水先，仲可以幫個學員上水，假設發生意外係喺岸上面嘅話，可能有啲人又會話教練唔應該畀學員上水先。」