6.15決戰　羅孝勇金腰帶大熱　鄭俊弘速減10磅　謝東閔練捱打

無綫「明星奧運會」拳擊賽剛於周日（6日）舉行「館內賽」，戰況相當激烈，賽事期間有人被擊倒，經篩選後，成功晉級的藝人將於6月15日分組進行決賽，正式於擂台一較高下。重量級男子組大熱方面有羅孝勇、潘梓鋒，中量級男子組大熱為謝東閔、吳業坤及容天佑，至於鄭俊弘（Fred）則要極速減磅，出戰輕量級賽事。

練拳辛苦到忘我

謝東閔昨日受訪時坦言辛苦，已經打到「忘我」，他說：「我就嚟畀自己打倒，已經唔記得自己係藝人，以為係拳手，依家要落磅、戒食、跑步，又要練畀人打、練打人、打沙包，突然覺得好攰，但我唔會放棄，打唔打贏唔緊要，一直都係同自己鬥，最緊要完成過程。」至於一直咬住他不放、最終編入同組作賽的吳業坤，直指謝東閔與容天佑是他的勁敵，決賽時必定全力以赴。

而Fred為了減磅，昨日着住風褸跑步爆汗，他說：「我仲要減10磅，不過減磅好過要我增磅，食方面都要配合，下晝只飲Protein Shake，夜晚就食雞肉同菜。」