莫文蔚牛一開工 唔使諗節目

莫文蔚昨日為6月中舉行的3場紅館騷綵排，期間被舞蹈員抬高兼反轉仍面不改容。適逢今日是她的51歲生日，大會驚喜送上網球場造型蛋糕。她表示生日願望是演唱會大成功，又笑言最鍾意及享受於工作中度過牛一：「慳番唔使諗節目，老公會陪我綵排，依家期待、興奮又有少少壓力，話晒咁多年未試過喺香港開騷。（有好多高難度動作？）最鍾意，同Dancers有晒默契，放心交畀佢哋。」另外，她近日重新灌錄電影《食神》中的經典歌《初戀》，將收錄於新專輯內。