里奧勒度被嘲床技差

46歲里奧仔自走紅後換女無數，被喻為「超模殺手」，不過更多戰績還是不為人知！跳舞比賽真人騷《與星共舞》（Dancing with the Stars）32歲美國女星茱莉安，其未成年外甥女Star日前於影片分享網站，接受分享名人親戚私隱的網絡挑戰，大爆里奧仔曾與茱莉安拍拖！

外甥女於片中興奮表示：「我個姨媽係茱莉安荷夫，佢同里奧勒度狄卡比奧瞓過，不過似乎佢床技差勁。」又強調自己沒有講大話，叫網友查證。影片被網友瘋狂轉載，Star知道自己玩大咗，雖然已刪除影片，但消息已經傳開。

里奧仔與茱莉安從未公開關係，有八卦雜誌2013年報道他們一起出席Coachella音樂節，表現親暱。知情者透露：「佢哋不停調情，大家隻手摸嚟摸去，期間男方喺女方耳邊細聲講嘢，然後錫佢面珠，佢哋好專注對方，完全旁若無人。」而里奧仔目前與23歲女模Camila Morrone拍拖，2人對戀情都相當低調。