筱靖生日 男友送2卡鑽戒求婚

前亞姐筱靖今日36歲牛一，生日前夕獲拍拖4年的圈外男友Walter驚喜求婚，收到2卡鑽戒，正式升呢準人妻！她開心分享當晚求婚經過，本以為只是男友與一班好友為她舉行生日派對，豈料是求婚派對：「我本身只係想食餐飯，以為咁多人同我慶祝生日，點知原來佢約晒所有好朋友出席見證！」又冧爆笑稱未婚夫即場向其父母提親：「第一時間視像打畀我阿爸、阿媽，問佢哋批唔批准。」她指未婚夫為求婚鋪排了一個月，期間更安排其姊妹帶她去試戒指的size。