周柏豪多個「女友」驚畀人呃

游嘉欣送上門！

周柏豪在無綫新綜藝節目大享「福利」，可暫時忘記人夫兼人父身份，奉旨與游嘉欣「拍拖」，又過足戲癮全日「戲子」上身，與方力申齊齊緝兇！

無綫新綜藝節目《死因有可疑》昨日進行錄影，周柏豪、方力申、張秀文及游嘉欣等參與，首席創意官王祖藍亦有到場支持。方力申自爆飾演偵探：「6個人只有1個人係真正兇手，要玩遊戲搵，觀眾可以睇到我係英明定懵盛盛。」柏豪則表示由收到劇本一刻就要保密，不可外洩內容或與人討論，去到錄影場地更要封口：「變咗全日都要演戲咁，游嘉欣一見到我就話可以名正言順做我女朋友，但我諗呢句係咪演緊戲，好危險！哈哈！任何人講任何嘢都唔係好信。」

王祖藍容許團隊犯錯

王祖藍表示節目是他返無綫前已着手籌備：「劇情全部係虛擬，同狼人殺有少少分別，係每人跟住少少劇情去搵兇手同搵自己個角色。」問到對收視可有信心？他坦言跟副總經理曾志偉有共識，今年會讓製作團隊嘗試不同節目：「收視會顧及，但唔係最重要。」

提到無綫網上頻道近日推出的《姐姐郊遊遊》與ViuTV節目《美女郊遊遊》撞名，祖藍坦言有留意網上的聲音：「大家有留意就係鞭策，會改進！」又表示會與團隊一同反省，容許犯小錯的空間，以免令幕後同事士氣變差：「好嘅要讚，唔好就要討論，唔想畀太大壓力佢哋。」