胡諾言珍惜兄弟情 Friend埋下一代

熱愛跑步的胡諾言（胡仔），近年與一班圈中好友陳山聰、姚子羚等組成Crazy Runner，平日經常相約一起跑步，最近3人還於無綫劇《大步走》合作，可是胡仔卻飾演大企業CEO，跑步戲份寥寥可數，笑言望劇集反應佳開拍續集，到時再自薦加插多點跑步戲。

與山聰同場戲份不多，令胡仔更加珍惜：「同佢有晒默契，好多嘢唔使講，嚴格嚟講佢係我師兄，當年一齊做綜藝，後來佢喺劇集有啲成績，我就行先結婚生仔，佢仲係我兄弟團添。到中段佢有啲故事，大家少咗接觸，之後到佢返嚟又一齊拚搏，睇住佢改變，之後仲做埋人哋老公同爸爸添！」胡仔自爆當年成功追到陳琪，即火速向山聰報喜，感情好到不得了，轉眼間各自有家庭，並育有下一代，問到會否想他們也能延續這份友誼？胡仔說：「都想係咁，今年新年佢哋嚟我屋企拜年，我仔同佢個仔影咗張合照，仲有話10幾年後兩個小朋友一齊跑步，意義一定好特別。」

於《大》劇中，胡仔與子羚有感情線，甜蜜場口只局限攬攬，未有再進一步，他自言以往亦鮮有拍攝咀戲。