陳婉婷挑戰恐懼 做寵物KOL

有「最索丫鬟」之稱的陳婉婷（Hebe）昨日為網上平台拍攝廣告，自從轉型做網紅後，Hebe稱月入都有5位數，尚能維持基本生活開支，當然希望開拓更多賺錢途徑。另外，她打算重開影片頻道，她說：「以前試過上載日本旅行片，可能我太隨心去旅行，冇提供到啲實用資訊，連地方名都冇講，只得900幾人睇。今次我諗好咗，想做好啲，會拍寵物片，因為我表哥係獸醫，會有多啲資料。」不過Hebe自爆「除咗人之外，所有會郁嘅都驚」，揚言貓狗和兔是她可接觸的極限，希望藉此機會讓自己克服對動物的恐懼。