昔日東方關心妍囡囡淡定冇扭計
關心妍拖實囡囡上學去。
忙於內地巡唱的歌手關心妍（Jade），昨日在港陪3歲囡囡楊榮心開學，心心穿上整齊校服襯蝴蝶圖案波鞋，與媽媽Say Bye後，乖乖步入校園返幼稚園K1，表現超淡定。
Jade接受電話訪問時表示，感恩愛女獨立性很強：「佢好鍾意返學，之前讀學前班就黐身啲，要陪佢上幾日堂，但之後可以自己返，完全唔喊，我都有教佢如果有同學仔扭計，就去攬吓人哋。」問囡囡返學前可有做足準備？她說：「都係幫佢買鞋同校服，今次冇之前返學前班咁緊張，依家佢返下晝班，不過出年就返全日制。」至於可有安排囡囡返興趣班，她指心心現時有學畫畫，又指囡囡有音樂天分：「唔係五音不全，所以由我教唱歌同彈琴，發覺佢好鍾意中文字，3歲大已經識『醫院』同『學校』呢啲生字，我諗住遲啲送佢去學芭蕾舞。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
