昔日東方衛詩雅鬼屋見黑影袋符定驚
衛詩雅、林德信與吳耀漢合作由馬來西亞導演李勇昌操刀的驚慄懸疑電影《雙魂》，為營造恐怖氣氛，電影特意在當地三大猛鬼屋之一取景。衛詩雅拍攝期間遇上不少靈異事件：「我喺間鬼屋拍咗半個月以上，愈拍愈唔對路，拍拍吓有啲嘢跌落嚟，眼尾又見到黑影。有幾場戲有個演員要扮鬼上身，我哋好驚，導演都怕有事發生，拍攝時有個茅山師傅跟住我哋，師傅見我愈來愈驚，就畀咗道符我。」
林德信驚受傷
不過，林德信笑言反而怕了詩雅，戲中二人有一場水底打交戲，更打足7個鐘：「我知詩雅拍戲好投入，但佢又有啲論盡，好驚佢會用錯力打傷我，好在喺水底好多嘢要兼顧，佢冇得咁投入，我先安心啲。」
至於吳耀漢則被自己嚇倒，他的角色經常酗酒，又對女兒詩雅大打出手：「有場戲我要好惡咁叉住佢條頸，我同導演講呢場戲唔試，一試個感受就唔同咗，拍攝時唔止嚇到詩雅喊，連自己都嚇親，原來我可以咁暴力！」
場地：Rally point
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
