用小鮮肉孭飛惹微言劉偉強：拍戲要年輕演員！

由劉偉強執導的新片《建軍大業》昨晚在港舉行首映禮，除主要演員朱亞文、張天愛等專程來港出席外，本港不少政、商界名人及娛圈紅星張學友、鄭伊健、楊千嬅、梁漢文等現身撐場，現場保安嚴密。

劉偉強被問到歷史題材可能不夠商業化，他說：「都係一個難得嘅經驗，之前喺香港搞咗場試片，吸引咗成千人捧場，好多人話鍾意部戲。」又笑言因拍戲需要，對中國近代史變得滾瓜爛熟！有歷史人物後人對他找來大批「小鮮肉」演出有微言，劉導說：「拍戲係需要年輕演員嘅，依家係拍前輩年輕時候嘅故事，唔通搵40幾歲去拍咩！好多都係戲劇學院出身，今次係大膽嘅嘗試。」「鮮肉組」成員劉昊然受訪時坦承父親是軍人，欣賞過電影後表示「蠻好」。

楊千嬅特意前來捧劉導場，她說：「我老公聽日生日，同個仔整蛋糕畀佢，本嚟諗住搞生日派對畀驚喜老公，佢識穿咗，我即刻破口大罵，以後唔搞驚喜嘞！」