黃宗澤激讚香香：純品可愛

黃宗澤（Bosco）在新劇《貓屎媽媽》中飾演湊仔男，並與「升呢」首次擔任女主角的岑麗香談情，Bosco對劇中女友香香讚口不絕，指對方純品可愛。

Bosco在新劇中飾演被楊愛瑾拋棄，要獨力照顧年幼兒子的「帶子雄郎」，他說：「我本身都OK鍾意小朋友，好多時應付朋友啲細路都幾有辦法，但我冇諗過自己幾時做老竇，但如果有得揀，我會揀生女，因為好多老竇都係『死』喺個女手上，睇吓三哥（苗僑偉）被個女嗲到幾冧！」但他指未有女友，自稱是工作狂，除花時間拍劇、拍戲外，更要搞餐廳，忙得缺乏休息時間。

特訓做咖啡師

而Bosco為演好咖啡師一角，特地接受特訓，他笑言：「我係『15廠駐廠咖啡師』，次次開廠我都沖咖啡畀大家飲，啲咖啡術語唔難記，最難係拉花，可能我用慣中文，香香就辛苦啲，要靠死記，佢表現好好！（佢首次擔正表現如何？）合作前覺得佢係個小妹妹，合作後覺得佢聰明、勤力，人又純品可愛，雖然佢中文唔叻，但翻譯晒劇本至嚟開工，表現好好！」

髮型：Kel Fung @ HH.hair.nail

服裝：Etro

文：影視組　

攝：沈健程