Baby公告「海綿蛋糕」私有化

護愛苗拒孖曉明搞生意

楊穎（Angelababy）與黃曉明戀情愈來愈明朗化，昨日她為有份投資的第三間cafe主持開幕，高調表示會獨家發售至愛的「海綿蛋糕」（曉明大哥），進一步地憑「糕」寄意，實行將曉明私有化！

Baby昨日心情靚爆地主持有份投資的第三間cafe開幕，新店五千呎，共投資了七位數字，攝影師夏永康親自操刀，為Baby塑造柯德莉夏萍look拍攝宣傳照。她自爆店內獨家發售「海綿蛋糕」，完全將至愛私有化：「我一向都鍾意食海綿蛋糕，我牛一都有切，你哋唔好誤會，諗多咗。（帶另一半嚟？）好多人，下次有包廂先。」

唔想有錢銀轇轕

記者問Baby可會與曉明合資？她坦言已有好合作夥伴，希望日後在中國開店。如此一來大可找曉明投資？Baby說未想到這點，但承認不想有錢銀轇轕：「怕會影響感情，唔想冇咗朋友。（你在微博公開佢「高富帥」，係咪豁出去半公開戀情？）我只係以行動支持佢有份投資嘅電影。」

提到早前她在微博「炸飛機」失言一事，Baby表示只是抱怨說話：「發吓牢騷，唔需要放大件事。（下次小心說話？）我做番自己，啲人話想睇藝人真正一面，我會繼續玩微博，總之只係發牢騷，點會炸。（唔怕fans真係去炸飛機？）唔會，有文化根底都明係咩一回事。」

有指Baby到無錫別墅密會曉明，她尷尬地支吾以對：「唔……大家開心就得。（即係你哋開心咗？）唔好提太多其他嘢，鍾意影就影。」當日被拍得手戴婚戒？Baby舉起雙手，指手上的兩隻戒指已戴了兩年，不是婚戒，又強調不會秘密結婚。

文：名人組