趙碩之完job趕醫肚

近來忙於電影宣傳工作的趙碩之，日前和戴夢夢下午５時多結伴到銅鑼灣，期間夢夢眼利率先發現記者，回頭揮手之餘更搞笑地叫趙碩之齊齊對鏡頭笑。趙碩之坦言剛工作完，趕往會合工作人員一起食飯醫肚，她說：「好肚餓呀！要食餐勁！（唔使減肥咩？）今年又唔使拍寫真，唔會刻意減囉，但都會keep住做運動。」她表示目前有數個電影及電視演出正在傾談中，希望今年有更多演出機會，令自己的演技可以磨練得更成熟。