昔日東方楊思琦產後抑鬱9日不出戶
起唔到身 拒見經理人
在美國秘密產女的楊思琦，自本月22日帶同女兒返港後，一直在家足不出戶，面對外間指指點點，這位單親媽媽獨自承受巨大壓力終於「出事」。樂易玲昨日出席活動時透露思琦現時心情愈來愈差，不願見人，擔心她患上產後抑鬱症。
楊思琦自從在美國誕下女兒楊卓穎後，一直被外間質疑女兒生父是否吳帥，加上要獨力撫養女兒，壓力之大可想而知。
思琦為了搵「奶粉錢」，上星期四（22日）已攜同女兒返港，準備稍作休息便復出接job，不過據知她近日情緒起伏甚大，返港九日都自閉在家，不願見人。
樂易玲：佢好慘
無綫製作資源部總監樂易玲昨日出席《2012香港小姐競選》招募記者會時，爆出思琦患上產後抑鬱症，她表示：「本來今日諗住叫佢出席活動，叫佢嚟見吓人，但係佢病到冧咗起唔到身，講電話把聲都冇晒，我覺得佢係有情緒病，有啲產後抑鬱症要睇醫生。」
樂易玲表示有和思琦傾過電話，她說：「但係佢唔想見人，約佢食早餐傾嘢佢都唔得，見到佢咁真係有啲忟，但係又覺得佢好慘。」問到思琦是否被負心漢激親？樂易玲表示不清楚。
樂易玲透露思琦不願見人，連經理人也拒諸門外，她說：「思琦經理人去到佢屋企，思琦都係搵媽咪落嚟，佢唔想見人，睇完啲雜誌報道仲愈嚟愈down、愈嚟愈upset，但係有啲嘢一定要傾、要解決，同佢媽咪又唔熟，好難入手。」
徐子珊見錢性感
思琦急返港明顯是為了搵奶粉錢，但所安排的工作卻採取拖字訣，樂易玲表示：「依家啲工作拖住先，佢都病到郁唔到，如果接咗做唔到，唔通賠錢咩。其實最好嘅醫治方法係出返嚟做嘢，就會有番個鬥志。」
另外，04年港姐冠軍徐子珊以密實打扮亮相昨日的招募活動，她笑謂：「等我留番啲本錢嚟搵錢，如果搵我做表演嘉賓先再騷啦。」
採訪：影視組
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
