迎接球壇盛事 派對狂歡話咁易

螢光主題 波波池打卡

想約一大班朋友睇波，去超有氣氛嘅Party room是不錯選擇，近期不少Party Room更安裝了收費電視可直播睇晒64場精彩賽事，好似位於觀塘的Chillax Party Event主打工業風及螢光裝潢，場內的空間可配合不同活動而靈活變動，最近期間限定加入各種足球裝飾。近2,000呎場地夠晒寬敞，大可約齊波友入場狂歡。球迷最關心的，是睇波時螢幕與音響是否夠大夠勁，這裏特設投影巨幕及專業級音響，讓各位沉浸式投入比賽的每一分每一秒。

其實足球不僅是男人的浪漫，女士亦可參與其中，對睇波有興趣的可進入其睇波專區，喜歡玩遊戲就可玩盡Party Room內各種足球遊戲。店內也備有夢幻的原創發光變色波波池與螢光玻璃屋滑梯，晚上關燈後別具氣氛，大家睇波之前不妨在波波池打卡留念。

網址：https://www.chillaxparty.hk

色彩繽紛 各國特色房

揀Party Room睇波，除咗環境要精緻舒適，設計布置更加要吸睛！位於旺角的Party One用上馬卡龍色系及糖果風格設計，備有3種柔和色系主題房包括粉藍馬卡龍、粉紅雪糕、粉黃布丁，用來打卡一流。還特別設有不同國家特色的主題房，包括日本房、地中海房、英倫房等，若睇波朋友較多時，可選擇連接兩間房甚至打通全場都得。每間房都提供無限暢飲的非酒精類飲品，一班朋友約出來睇波睇到凌晨都唔怕。

網址：https://www.partyonehk.com

球迷地帶

相約三五知己一齊睇波，又不想騷擾到其他人，可選擇酒店新推出的睇波Staycation住宿計劃，逸東酒店的「球迷地帶」住宿體驗，由即日起至12月20日只需安坐房內便可欣賞精彩比賽。睇波之餘，當然要有啤酒與小食，套餐提供12支本地手工啤酒、墨西哥粟米脆片配番茄莎莎及芝士醬、香脆薯片一桶、香辣乾番茄醬配法式多士及扁麵包，讓大家享受帝王式睇波體驗。

玩樂住宿

酒店睇波的好處是帶件波衫就可入住，仲可稍事休息兼沖涼歎番晚。位於尖沙咀的美麗華酒店特別推出球迷玩樂住宿旅程，入住城景客房、園景客房或指定套房，就可欣賞環球賽事。期間更可享用球賽主題小食盛，同時兼享免費迷你酒吧16罐啤酒與飲品及一些小吃，讓大家盡情吃喝玩樂。

時尚設計

銅鑼灣問月酒店亦推出睇波住宿體驗，可選擇入住舒適的新月客房或寬敞的滿月客房，以LED大電視與好友高清無死角睇盡足球比賽。睇波之餘的酒水套餐也不馬虎，住客可享用免費迷你酒吧，包括半打啤酒、半打汽水與小食薯片，在房間便可睇波盡興。

露天免費直播

想多啲人一齊打氣歡呼，不少球迷會選擇去大型商場感受熾熱氣氛。當中活化後的中環街市，將地下OASIS布置成露天草地賽事觀賞專區，設有5米高大電視全程免費直播賽事，還會於不同樓層擺設LED大電視，特定場次更會有體育主播及記者到場舉行派對，一同為心愛隊伍吶喊打氣。

與吉祥物合照

睇波當然唔少得穿上自己愛隊的波衫，今年亦有官方波衫紀念品店，由即日起至12月18日登陸新都城中心2期及3期、新港城中心、荃灣千色匯、元朗千色匯、屯門時代廣場及沙田廣場。店內有超過50款必搶的世界盃珍藏品，同場更有首度來港的卡塔爾世界盃吉祥物La'eeb，以超可愛戴頭巾的造型同各位合照。

寵物創意遊戲

赤柱廣場聯乘本地少爺啤打造的迷你足球場，人、寵物與機械人齊齊走上足球場踢波。由即日起至12月18日一連多個周末推出創意足球遊戲，包括為寵物打扮成球星的「寵物足球」、需要以搞笑形象踢波的「古靈精怪足球遊戲」等。現場更設有2.5米高「集氣啤酒樽」裝置等打卡場景，最啱帶埋寵物一齊玩樂。

盛世足球狂熱

將軍澳TKO Spot在空中戶外運動場地舉辦「盛世足球狂熱」活動，備有7款不同主題的免費足球遊戲，由即日起至明年1月1日供大人小朋友挑戰，共同發掘親子樂趣。另有球衣展覽區展出萬人迷碧咸、基利安麥巴比等球星的戰衣，讓大家近距離觀賞。

撰文：羅學芝