昔日東方紅足10年角落小夥伴潮物大晒冷
日本有非常多卡通角色，要數最具治愈感、當時得令的，肯定係由San-X於2012年推出的一班擬人角色「角落小夥伴」（又稱角落生物），無論係白熊、炸豬排、貓咪抑或蜥蜴等角色，全都造型可愛兼個性獨特，登場後即受到追捧，相關產品每年銷售額更高達¥200億（約HK$12億），認真巴閉！趁今年迎接10周年，一眾潮牌亦紛紛炮製「角」的聯乘產品，服飾、包包及藍牙耳機統統搵得到，相信粉絲要大破慳囊了！
刺繡布章 隨你任燙
如果熱衷時尚街頭服飾的朋友，應該對日本女裝運動鞋精選店atmos pink不感陌生，該店不時會跟人氣品牌及動漫聯手推出限定鞋款等，新鮮熱辣有角落小夥伴的一系列服飾及雜貨上架。主打有露腰的Mini T-shirt及Big T-shirt，前者印有白熊、炸豬排及蜥蜴等主打角色，後者更有5款角色刺繡布章讓你隨意燙在衫上，設計可愛又不失潮味。不可錯過的還有刺繡胸章、鎖匙扣、相框磁石貼及軟包，好有衝動想全部據為己有！
可愛編織袋 融合招牌元素
潮牌a-jolie早前亦推出名為《角落小夥伴編織袋BOOK feat. a-jolie》的特集，重點是隨特集附送的編織袋，分別有炸豬扒、貓咪或白熊三款設計，正面是角落小夥伴的可愛樣子，背面則有a-jolie的代表性紅唇刺繡，於用作綁緊袋口的絲帶布料上亦印滿了品牌招牌的墨鏡圖案，流行與可愛元素兼備。而《角》特集內容方面，則趁角落小夥伴10周年來一次主題畫作大回顧，亦會介紹a-jolie今年春夏新作。現於日本FamilyMart及寶島Channel網站有售，各售¥2,420（約HK$143）。
得意耳機 輕便好用
對科技產品有要求的，不妨留意角落小夥伴跟多摩電子工業合作推出的無線藍牙耳機。共有6款造型，包括蜥蜴、白熊、炸豬排、企鵝、貓及全部角色，在外盒及耳機本體上都有相關圖案。耳機均採用品牌的SX-BS69W型號，一邊僅重4.5g。性能方面，使用AAC藍牙音源編碼技術，能保障音樂經由傳輸後音質無損，可連續播放約5小時，使用專屬充電盒最長可播放超過17小時，加上使用Type-C充電，有外貌仲要有內涵。各售¥5,980（約HK$353）。
撰文：張超駿
圖片：互聯網
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
