昔日東方政情：東莞摘荔枝 梁毓偉「砸」死牛
呢排荔枝當造，周圍都有唔同品種賣，而身兼青年發展委員會副主席嘅梁毓偉日前帶班青年去東莞做義工服務，去咗荔枝園摘荔枝，仲摘到「砸死牛」。
一粒等於3粒果肉
「砸死牛」？真㗎，但唔係牛，係荔枝其中一個品種。梁毓偉話民間俗稱「砸死牛」其實叫紅繡球，坊間傳言大到可以砸死牛，所以就有呢個花名，一粒已經等於普通荔枝3粒啦！睇嚟真係啖啖肉。
東莞嘅荔枝好出名，梁毓偉話當然去體驗吓，聽專家介紹點樣保育、進行品種改良、培養新品種等等，佢話東莞一直堅持科技興農，推動荔枝產業高質量發展，所以大家先食到又甜又多汁嘅荔枝。
佢話由於當地嘅義工隊同香港嘅關愛隊有相似之處，所以青年朋友喺做義工之餘，亦都可以借鑑學習點樣組織同運作一支義工隊，佢希望班青年朋友可以將經驗帶返香港。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
