昔日東方有性趣：按揉水泉穴 益腎活絡
水為財，做人最緊要有水！假如人體缺水，分分鐘命仔都保唔住。至於男人要維持生理系統健康，令床上表現揮灑自如，同樣需要搵到身上嘅「水泉」，冇錯！講緊嘅係「水泉」呢個穴位。
穴位喺邊度？
水泉穴係足少陰腎經嘅常用腧穴之一，穴位位於內踝後下方，太溪穴直下嘅一寸，跟骨結節內側凹陷處。
有乜嘢功效？
適當咁刺激水泉穴，有清熱益腎、通經活絡等功效，有助治療心下痛、陰挺、小便淋瀝、腹痛、目不可視、踝痛、足跟痛等問題，男人多利用呢個穴位，可令小便暢順之餘，亦可以強壯腎氣。
點樣刺激法？
可以用手指輕輕打圈按揉，每次按摩約2至3分鐘。亦可以利用艾灸方法，將燃點嘅艾條放到水泉穴外約一至兩吋位置作艾灸，時間約5至10分鐘。另外，想改善腎氣虧虛情況，可以同時刺激中極穴同水道穴。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
