J組作客夜戰FC泰港 傑志心雄傾力搶Ｗ

睇片摸清對手踢法

傑志上月在港超聯封王，乘勝追擊飛赴泰國出戰「亞冠盃」，首仗對手為應屆泰超季軍FC泰港，「藍鳥」總監兼總教練朱志光表示，一直有透過觀看比賽錄像，收集對手軍情：「泰國嘅水平同速度喺我心目中係有啲能力，佢哋踢得好有耐性，好識得利用邊路製造空位，突破對手。」

闊別3年後，傑志再戰「亞冠盃」，「朱Sir」為今次征途定下目標：「無論面對任何對手，我希望今次踢亞冠盃，傑志可以比上次更進步，甚至爭取出線。」傑志將於16日內完成6場分組賽，「朱Sir」承認緊密賽程對球隊會是一大挑戰：「今次最難就係喺咁短嘅時間內要打晒，比賽之間相隔時間太短。」

尚欠兩個入球，就能打破南韓球員李同國「亞冠盃」入球紀錄的丹恩奴域指出，對手泰港擁有高速度翼鋒和質素甚高的中前場球員，特別是35歲韓援高瑟基，此子曾為蔚山現代贏得2012年亞冠盃，並且曾與丹恩奴域在韓職多次交手：「高瑟基係一位好重要嘅球員，右腳技術非常出色，佢嘅經驗同能力可以為泰港帶來好大幫助，我哋要好好看管佢。」

泰港火力咪低估

由41歲少帥沙拉活領軍的FC泰港，上季共製造58個入球，攻力屬泰超第2強，雖然最終以第3名完成球季，但仍獲得首戰亞冠分組賽的機會。泰港的火力來源，主要來自5號前鋒沙治奧蘇亞雷斯，這名34歲西班牙球員曾效力拉斯彭馬斯，效力泰港4季射入53球，數胡能力極強。

其餘主力包括8號高瑟基、10號左翼波迪法拉及23號左閘奇雲迪羅拉姆，其中奇雲迪羅拉姆於瑞典超球隊佐加頓斯出身，曾代表瑞典青年隊，現已轉籍成為泰國國腳。此外，新加盟的29歲馬達加斯加國腳約翰巴治奧上季在泰超有16球斬獲，今場勢對傑志構成威脅。黃雋謙報道