新CEO譚秋朗睇直播撐港足
相隔超過1年半後，香港足球代表隊前晚再上征途，遠赴巴林踢世盃外圍賽。為了隆重其事，香港足球總會舉辦內部「睇波」活動，其中新上任的足總行政總裁譚秋朗亦有亮相，為港隊打氣。
譚秋朗是日換上港隊主場球衣，在足總主席貝鈞奇等高層陪同下，齊齊「睇波」，同場亦邀請，包括前港隊成員林嘉緯及盧均宜等現役港超球員，一齊為港隊集氣。雖然港隊最終未能旗開得勝，惟譚秋朗仍對港隊作出正面評價。過往在商界有豐富企業管理經驗的譚秋朗表示，在入職前已經有不少想法，並希望未來能大展拳腳：「我諗未來半年至一年，無論係公司內部，或者大眾市民，應該都會睇到（足總）有啲唔同做法。我其實係好開心，因為我睇到香港足球嘅未來，希望可以繼續用我嘅方法，為港足變成全新局面，重新燃點香港人對足球嘅熱誠。」