為Now TV旁述歐國盃盧均宜嗌緊張
距離今屆歐國盃2020開鑼尚餘一個多星期，Now TV昨日舉行記者招待會，進行歐國盃頻道Now Sports 618台及錄影廠啟動禮。活動由冠忠南區門將謝德謙擔任主持，3位前及現任港隊運動員盧均宜、馬詠茹及文毅施，亦成為活動的星級嘉賓，Now TV更宣布3人將為歐國盃的「第三聲道」作旁述。
活動甫開始即進行亮燈儀式，主持人隨後在新廠景向傳媒介紹歐國盃全新「一齊睇」功能，另外宣布前港足成員盧均宜、前港隊單車代表馬詠茹，及現役港隊女子青年劍擊手文毅施，聯同一班網絡紅人，一同擔任歐國盃的「第三聲道」旁述。
想同林嘉緯一齊講波
昨日身穿德國隊球衣出席活動的盧均宜表示，今屆睇好法國及比利時，「均宜」又指自己雖有評述經驗，惟今次為「第三聲道」評述有點緊張：「其他人口才好好，同埋好有活力，我同謝德謙都震震哋，所以都會做足功課，不過足球嚟講我哋點都熟啲嘅！」「均宜」笑言希望透過全新「一齊睇」功能，與好友「嘉緯」一同「講波」。被問到下季會否續留標準流浪，「均宜」表示「等多幾日先知」，惟個人傾向繼續留隊。
至於謝德謙同樣視法國為奪標大熱，他認為法國3線平均，加上十分欣賞門將洛里斯。另外他對丹麥亦相當期待：「我主要睇龍門，今屆就想睇卡斯柏舒米高嘅表現。」歐國盃舉行期間，港隊同樣會出戰「世盃外」，「阿謙」表示當然會支持：「去到咁遠比賽一啲都唔易，除咗比賽、練波之外就要係間房隔離，半步都唔出得房門，唔係就取消資格，好彩佢哋間房個wifi算順暢。」另外「阿謙」又指自己熟悉港隊主帥麥柏倫的戰術，並非常樂意為餘下兩仗港隊賽事作評述。李浚湣報道