「有天分夠勤力」何Sir寄予厚望

「佢有速度同膽色,畀人踢都唔驚,有晒做前鋒嘅基本條件!」想不到年紀輕輕的紀思昊,已受到晉峰總教練何信賢寄予厚望。

「思昊」由自己一手提攜,「何Sir」坦言他天分不俗及乖巧,在乙組效力光華時入球已源源不絕。雖然整體評價正面,但「何Sir」仍認為「思昊」急需改善弱點:「佢喺場上唔係太識變通,有時拎住個波,會唔知應該1對1過人,定係揾隊友做配合。」不過「何Sir」都讚「思昊」在接應隊友傳中、衝前搶點等方面已有進步,更指他非常勤力,不斷私底下加操,相信他絕對有能力在港超聯立足。