on.cc東網直播 爭標組Top4對撼

東方龍獅強襲天水圍飛馬

上場擊敗愉園之後，東方龍獅繼續緊追榜首傑志，帶着4連勝殺入第三循環爭標組賽事，要將爭冠懸念留到最後，今場必須在天水圍飛馬身上全取3分。近期東方龍獅頻頻在比賽中搶得先機，總監兼主教練李志堅希望球隊在領先後能表現得更好：「係唔係有機會去擴大領先優勢呢？以球員嘅能力，要把握得再好啲。」（on.cc東網周六下午3時直播）

今季兩軍交手兩次，東方取1勝1和，惟「堅Sir」認為飛馬近況有好轉，加上有法比奧領軍，絕對是難應付的對手：「有法比奧在陣嘅球隊係好有韌性，無論場內場外，佢喺球員聯繫或溝通上都起到好大作用。」

天水圍飛馬箭頭山度士	傑志射手丹恩奴域	理文中場中村祐人

黃梓浩盼搶佔先機

東方兩大傷兵艾華度及艾華頓，今仗繼續倦勤，可幸上仗有黃梓浩復出，令「堅Sir」在陣容調動上多了選擇。「王子」就希望在今午大戰中先入波：「嚟到呢一刻，任何對手都難踢；希望呢場可以盡快入波，穩定勝局。」

兩循環以第3衝線的天水圍飛馬已篤定無緣爭冠，但仍有望取代東方龍獅成為2哥，今場比賽相當關鍵，主教練郭嘉諾表示，球隊餘下3場的目標均是贏波。他認為今場己隊形勢佔優，因對手為追趕傑志一定力圖取3分，反而飛馬可先穩守，再尋找機會反擊。

嘉諾Sir︰場地天氣係關鍵

羅振庭今仗刑滿復出，但胡晉銘、劉學銘因外借條款避戰，「嘉諾Sir」強調黎格爾、羅曉聰等本地球員有入球能力，是對手的重大威脅。他又指今場關鍵在於場地和天氣：「今季好少大戰喺小西灣踢，同埋又喺3點開波，節奏預計冇咁明快，但可能對手會急啲，會比我哋踢得辛苦。」

方栢倫亦明言球隊不會放棄任何一場，尤其今季未曾擊敗東方，他希望今次能挑戰對手。次循環對壘飛馬被費蘭度「絕殺」，今場若獲派上場，「栢倫」明言要嚴防「費7」：「要阻止佢傳中同大位射門，我會專注防務，保持集中。」

傑志鍊到盡惡鬥理文

1哥傑志以14戰不敗姿態完成兩循環賽事，惟衞冕之路一直被東方龍獅尾隨，目前僅有3分領先優勢，總教練朱志光明言，第三循環餘下3場目標全勝：「做咗兩件好事，第三件都要完成埋先達成到，球員狀態同應變都做得唔錯，希望佢哋保持今年嘅好表現。」（on.cc東網周六下午5時30分直播）

傑志今季各賽4鬥理文取得1勝3和，形勢佔優。陣中包括丹尼、羅拔圖、艾里奧等已領4面黃牌，再添1面便要面臨停賽，但「朱Sir」表示不會刻意避重就輕：「嚟緊比賽唔多，惟有見步行步，如果真係遇到咁嘅情形，都要焗住喺陣容上調配。」另外朴俊炯今仗將刑滿復出。

羅梓駿矢志嚴防基華尼頓

近兩仗擔正的右閘羅梓駿坦言自己在防守上有犯錯，狀態並非最佳。今場如續獲派上陣，有機會與對手上場連中三元的基華尼頓交鋒，「羅梓」直指該名巴西翼鋒速度飛快，一定要提防他的無球跑動，盡力將其威脅減到最低。

以第4名殺入爭標組的理文，主教練陳曉明承認在名次爭奪上，處境較為被動，希望球隊能打出自己應有的水平，交出值得尊重的表現：「既然已經被動，不如放開啲嚟踢；無論對邊個對手，都要令到佢哋困難，盡力搶分。」

顏樂楓復出即要孭重飛

繼沙普夫受傷後，另一主力洛迪古斯亦不幸加入十字軍，傷兵問題亦成為理文教練團十分頭痛的難題，因此顏樂楓的及時復出亦顯得相當關鍵。此子上仗重返賽場即刻交出助攻，用實際行動以身作則：「後備球員幾時都要做好準備，出到嚟就要做到嘢。」「光頭」直言過去因傷不能與隊友並肩作戰，感覺絕不好受，如今希望能幫助球隊，衝擊聯賽前3。