on.cc東網直播 傑志力保榜首撲擊標準流浪

傑志上一次落場已是3周前對愉園，總教練朱志光表示，空窗期正好讓球員恢復。目前傑志以28分高踞榜首，與東方龍獅同分但就少賽一場，若然今仗失分將頓失優勢，「朱Sir」坦言無壓力：「冇諗人哋啲分數，都係顧咗自己先，我哋球隊好好經驗，喺聯賽仲未失過手，令隊波信心更強。」首循環作客標準流浪，傑志僅能0比0悶和對手導致失分，朱志光強調今季的流浪已非吳下阿蒙，但「藍鳥」亦曾在「菁英盃」雙殺對手，相信球隊懂得如何應付。

安永佳望再有士哥

前鋒安永佳在「菁英盃」兩循環對流浪均連中三元，被球迷封為「流浪屠夫」，他笑言這個稱號「過癮」，假如今場獲派上場，希望可延續好表現爭取「士哥」。自丹恩奴域加盟後，安永佳被移去邊路，但他直言不介意：「丹恩奴域係一位頂級射手，我可以喺佢身上學習，打左翼係我依家嘅工作！」

客軍標準流浪今季曾在東方龍獅及理文等勁旅身上搶分，卻接連不敵愉園及冠忠南區等下游球隊，上仗以0比1不敵晉峰，正式宣布無緣躋身「爭標組」。隊長林嘉緯直指球隊對強隊屢有驚喜，但對弱隊卻未見「着數」，他認為需要在攻守平衡上有所調整。不過目前情況未算太悲觀，球隊會調整目標，希望爭奪第3循環「護級組」冠軍。

林嘉緯：專心打反擊

流浪近況欠佳今場難免被看低一線，但首循環他們亦曾成功守和傑志，力證有本錢抗衡強敵。「嘉緯」認為流浪礙於球隊風格，今季暫無本錢踢進攻足球，反而對勁旅時更得心應手：「可以專心做防守打反擊，當然依家對傑志係困難嘅，但我哋之前對佢哋都有過好表現，希望今場打番好啲。」