林柱機加盟冠忠南區

自去年富力R&F散班之後，林柱機一直未有新動向，他形容過去多月要應付與舊東家的合約糾紛，是一段十分困難的日子，惟Matt表示自己未有停止訓練，耐心等待新機會：「好渴望可以重返賽場，期待可以重返港超；幫助冠忠南區喺季尾取得好成績。」

第二循環尾場有望上陣

直到昨日，冠忠南區正式宣布簽入林柱機，主教練列文認為此子未必趕及對戰晉峰一役上陣，但應該有機會在第二循環最後一場對傑志的比賽中，為南區獻出首騷。Matt提到自己一直有和列文保持聯繫，討論加盟的可能性，並講到自己一直深信會重戰港超，形容自己目前的體能狀態十分良好。

列文亦講到自己對這位前「藍鳥」隊友的看法：「過去我曾同佢一齊並肩作戰，知道佢係一位非常敬業嘅球員，而且踢過各支本地頂級勁旅，絕對可以幫助我哋加強中場實力，希望呢次加盟可以幫助Matt同南區達成雙贏。」林卓臻報道