金東進教波同樣咁滿足

「能夠喺對曼城嘅比賽入面，並且喺全世界最優秀嘅球員面前退役，真係好特別，尤其冇預計過『哥帥』（哥迪奧拿）會為我送上印咗我個名嘅波衫，絕對難以置信！」回想兩年前傑志對曼城的告別戰中，接受名帥哥迪奧拿祝福，現已成為傑志助教的前南韓國腳金東進，至今仍感津津樂道，也許在這場夢幻般的比賽，兼在逾20,000名觀眾見證下榮休，是最好不過的結局。

「踢而優則教」，一切看似順理成章，但金東進坦言轉型教練其實在以往一直都不屬於其考慮之列，「當我踢緊波時，根本冇諗太多將來嘅事，直至遇上『佢』，諗法開始有變。」Kim口中的「他」，原來是征戰過2002年日韓世界盃的前國腳李榮杓。這位熱刺名宿2019年暑假來港，代表多蒙特傳奇隊與利物浦踢表演賽，當時金東進到酒店探訪同鄉尋求高見。「正當我考慮緊嗰陣，佢同我講：『你繼續踢為咗乜先？好多以前國家隊嘅戰友已經成為教練，我諗你都係時候轉變。』」聽君一席話，勝讀十年書，被前輩「點醒」的他，後來很快便接受傑志的邀請，展開教練生涯。

李榮杓、金東進

阿Kim（左）難忘對曼城的退役戰。

經常「袋錢落陳晉一袋」

不知不覺，Kim已由傑志球員化身為助教近兩年，協助朱志光及梁志榮等教練督導球隊防務，是「藍鳥」上屆獲「菁英盃」及聯賽冠軍的幕後功臣。他評價自己的教練生涯起步順利，但相比起獎盃榮譽，「紅褲子出身」的他反而更重視麾下球員個人成長。「教練係一種幫助球員嘅職業，除咗喺訓練上畀指示球員外，透過言語仲可能啟發到佢哋嘅人生，發掘佢哋踢波嘅特色，呢個係教練嘅價值。」Kim笑言自己不時「袋錢落陳晉一袋」，皆因他出道時正正與「阿一」司職同一位置。

金東進（上）為南韓出戰過兩屆世界盃。（Getty Images圖片）

效力辛尼特期間曾勇奪歐洲賽多項錦標。（Getty Images圖片）

愛上香港優質生活

金東進2017年由韓職轉戰港超，不論Kim本人或球迷當初可能都僅視他為過客，誰知一留便是四載。吸引Kim駐足於此，除因為要助傑志取得成功外，還有香港的優質生活，「香港交通非常方便，人亦好友善，而且教育質素好，我5歲嘅囡囡依家讀緊英文授課嘅幼稚園，我同老婆都非常鍾意香港嘅生活，當然呢度嘅食物都好多元化啦！」Kim更向記者透露是麻辣米線的忠實擁躉：「雖然我係韓國人，但我唔會食得太辣，通常會嗌『腩肉麻辣4小』，佢同泡菜嘅味道有啲唔同，但我都鍾意！」