亞洲足協周四宣布，中超冠軍江蘇蘇寧正式退出今屆亞冠盃，牽涉該隊嘅亞冠盃各參賽席位亦作順應改動，原本要進行附加賽爭奪一個出線席位嘅韓職浦項制鐵及泰超拉查布里，兩隊毋須踢附加賽，一齊直入分組賽。
江蘇蘇寧以中超冠軍身份參加亞冠盃，被編入G組，同組對手有日職名古屋鯨魚、馬來西亞柔佛，以及浦項制鐵對拉查布里嘅勝方，如今江蘇蘇寧退出，亞洲足協宣布，浦項制鐵及拉查布里直入分組賽，G組維持4隊角逐。
至於中超球隊在今屆亞冠盃席位，亦由3+1減為2+1，僅餘下廣州恒大及北京國安，至於上季中超第4名嘅上海上港不能補上江蘇蘇寧位置，而須繼續通過附加賽爭取分組賽資格。