好多男士見到有女藝人下海拍AV，總會有所期待，之但係近期出道嘅藝能人女優實在唔多，曾飾演「女鬼富江」嘅女星仲村美羽算係最出名！今期「世界Cup」主角安位薰，正好為AV界打破悶局，呢位挾住「次世代寫真偶像東之橫綱」稱號嘅H奶女優，絕對有本錢紅起嚟！
講到安位薰最大嘅賣點，當然係身材啦！身高中等嘅佢，有啲肉地但又唔算肥，加埋肌膚嫩白又有彈性，係好多男人最Like嗰種身形。至於胸前一對H Cup巨乳，大得嚟夠挺，跑嗰陣彈吓彈吓，真係非常吸睛，所以佢喺寫真界好受歡迎，更加喺雜誌社舉辦嘅選舉中獲選為「次世代寫真偶像東之橫綱」！
年方21歲嘅安位薰，以一頭短髮示人，感覺清爽，但樣貌只能夠話係中規中矩，甚至有人嫌佢有對「死魚眼」添！不過，喺某啲角度睇，佢嘅面上依然散發住少少青春氣息。
安位薰係日本AV廠MUTEKI喺2021年第一季推出嘅筍盤，呢間廠曾經為我哋帶來好多藝能人女優，好似三枝實央、佳山三花，同埋近年已躍居為AV天后嘅三上悠亞同高橋聖子。不過，M廠自2017年搵嚟美少女偶像櫻萌子下海後，靜咗幾年，直至搵到安位薰，總算突破悶局！
安位薰喺2017年投身寫真界，兩年間出咗8隻寫真碟，發展得幾順利！今年2月，佢宣布投身AV界，引起一陣哄動！處女作《令和グラビアランキングNo.1安位カヲルMUTEKIデビュー》嘅銷量極佳，喺2月份AV碟銷售榜登上過冠軍寶座。據悉，佢獲得AV大廠S1賞識，已將佢招攬為最新一位專屬女優，希望佢可以好似師姐三上悠亞咁大紅大紫喇！
上圍：36H
綽號：次世代寫真偶像東之橫綱
養眼度：★★★
噴血度：★★★★★
撰文：賢