「好多謝『莫生』（即標準流浪會長莫耀強）畀呢個機會我，嚟緊需要各位傳媒朋友多多幫忙。」Peter接受電話訪問時表示。至於一直被視為標準流浪代表人物的李輝立，可會擔心出現「一山不能藏二虎」之局面？「有冇搞錯呀？兩個都幾十歲，亦識咗幾十年，仲點會搞啲咁嘢？而且以Peter嘅『卡士』，佢都唔會搞啲咁嘢啦！啲球迷成日話我唔搞公關宣傳吖嘛，依家有Peter出山就啱晒啦！大家多啲支持我哋啦！」李輝立道。
「我都好感激Peter肯屈就，流浪唔係大球會，但隊中大部分職、球員都受過Peter恩惠，經過咁耐可以重聚，都係緣分嚟，全隊上下都會好好珍惜。」李輝立補充謂。