礙於全球疫情肆虐，顏卓彬早於今年3月歸港休假，本以為美國的疫情很快緩和，可以趕及9月回美重新上學，誰知一個風雲變色，學校位處的紐約州疫情大爆發，感染率至今仍然高企，他亦決定暫時簽約傑志，參與上半季賽事。
「叫做早咗1年返嚟預備踢全職，Keep住狀態先，如果出年3月嗰邊球季都係開唔到嘅話，就索性留喺香港踢落去。」過去數年暑假回來跟操，「彬仔」經常只能在場邊觀戰，今次正式回巢，並擁有屬於自己的儲物櫃和球衣號碼，他坦言感到鼓舞：「身份上畀咗動力我，更加畀心機練波同爭取落場機會，希望快啲有多啲上陣時間，呢個係每個年輕球員嘅願望。」