何振廷自今年8月開始化身「足球KOL」，在YouTube開設影片頻道，上載自己有關足球方面的短片，與球迷分享他效力傑志的生活點滴。
「阿廷」回憶說：「2年前喺凱景已經有呢個諗法，拍一個足球特輯，由第一日開始記錄到我退役嗰日，因為香港冇人做呢樣嘢，所以我想試吓，睇吓會唔會有啲回響。」
除了作為個人留念之外，他還希望透過短片，讓更多人有機會一探職業球員平常生活的究竟，或許能藉此鼓勵部分有心人士投身足球行業。
「阿廷」的YouTube頻道名為「Justin Ho 何振廷」，目前僅得2條影片，其中一段是記錄上季港超聯復賽期間，球員訓練前後的軼事。被問到「幾時有新片？」，他笑稱正積極構思題材：「我都想繼續拍O架！但係依家諗唔到有咩題材拍，可能遲啲會拍個比賽日Vlog，因為好少球迷知道其實係點，就算外國球星都冇人做過呢啲嘢。」「阿廷」更透露，有意與球會宣傳部合作，來一個Crossover呢！