傑志新季望小將做到主力
剛重奪港超聯冠軍的傑志，休息數日後昨日重投操練，準備本周六展開的新球季。過往季前，傑志會外租場地召開記者會，但今季因疫情關係，「藍鳥」化繁為簡，昨日邀請傳媒到賽馬會傑志中心採訪，由會長伍健和總監兼總教練朱志光簡述今季計劃和目標。
班費視乎亞冠情況再加碼
伍健明言今季首要目標是提拔年輕球員，成績放在次要位置：「嚟緊呢季期望至少6至7位，96年後出世嘅球員可以成為一隊主力。」傑志來年將出戰亞洲賽，但屬「亞冠盃」或是「亞協盃」，要視乎北韓會否被取消資格。伍健透露下月才知實際情況：「亞冠個情況清楚後，先會再做另外組軍，聘請超級外援主要係填補個別位置，但目的唔係本地賽，依家亦有做緊呢方面嘅工作。」
傑志今季班費約2,000萬，比往年的3,500萬少，伍健解釋今季比起正常球季為短，薪酬支出較少，況且班費未計算踢「亞冠盃」的開支，並不認為是「縮皮」。「縮唔縮皮，要睇埋我哋打亞冠嗰度點先，就算真係縮皮，我哋都贏咗兩個冠軍，啲球員唔係唔打得喎。」伍健笑說。
球隊總監兼總教練朱志光重提去季季尾爆出的「銀包論」：「希望今季唔好再跌銀包，用電子錢包好啲。」他透露高美斯將會離隊，因球會有機會打亞冠，需物色更具級數的前鋒。另外復賽時未有被註冊的洛迪古斯亦已離隊：「佢自己同球會取消咗合約，可能另有發展。」
朱志光：要對得住「搵銀包」球員
談到富力R&F散班事件，「朱Sir」稱收過「求助」電話，但球會方針難以吸納富力球員：「佢哋返嚟可能抹殺咗我哋班年輕球員，亦唔想同一位置有3個球員，變咗呢班『幫手搵銀包』嘅人冇咗機會，我都要對得住佢哋。」圖／文：黃雋謙