富力R&F球員尋求足總協助
正向會方追討賠償兼面對失業困局的富力R&F球員，昨日由球員代表羅拔圖和盧均宜等前赴足總尋求協助，並與足總總幹事袁文川會面，聽取對方之意見及分析相關章則。會後「均宜」謂足總表示會提供協助，但希望富力R&F會方能盡快派員與球員洽商，盡快解決問題，好讓他們能爭取時間「搵班落」。
傳聞富力R&F會方決定退出之後，曾向有合約的球員表示只會以1個月薪金作賠償，假若在這段期間要求轉會，便要放棄該1個月薪金。「均宜」與袁文川會面後，並未有就相關傳聞作出回應，只謂當前急務乃盡快解決事件，他說：「球員都好心急，亦好無奈，希望足總可以幫到手，等事件可以喺最短時間內解決，球員可以去搵球會。」
至於「袁總幹事」會後就表示明白球員很心急，但因為合約是球員與球會之間簽訂，足總很難一次過解決，但很願意和有責任去擔當中間人：「最有效嘅解決方法，就係球員同球會傾掂佢，一齊傾雙方都滿意嘅解決方案。若果真係解決唔到，足總係有專責小組去幫本地球員解決相關問題，至於外援球員就可以搵番佢哋本身國家嘅足總。」
球員轉會唔成問題
「一切同合約有關嘅嘢，FIFA都有章則寫得好清楚，球員同球會傾唔掂先搵第三方去協調。由於富力R&F喺限期之前都冇為2020至2021年球季註冊職、球員，所以喺保障球員嘅條例之下，相關球員要轉會應該唔成問題，跟程序照辦手續囉。但正如之前所講，合約係球員同球會之間簽訂，有冇細節就要再睇。」