理文想過捧盃癮
上季做出隊史最佳聯賽成績的理文，昨日於將軍澳賽馬會足球中心開操備戰新一季港超聯，主教練陳曉明坦言踏入執教球隊的第3季，必須在成績上取得突破，透露已物色一位西班牙守將，希望進一步鞏固後防實力。至於轉型出任助教的佐迪及於復賽期間加盟的曾錦濤，亦表示樂於接受新挑戰。
過去一季於港超聯以第4名衝線的理文整體發揮進步明顯，新一季維持2,000萬班費征戰港超聯，主教練陳曉明認為來季需要做出更佳成績：「過去一年，無論球會內部定係坊間，都會覺得我哋有進步，嚟到執教第3季，我覺得就要講成績，無論對管理層、球員或教練嚟講，係要步入收成期。」
佐迪曾錦濤做到最好
除上季季中加盟的葡萄牙中堅賓希路，以及本地左閘陳衍光滿約離隊，理文新一季將繼續沿用大部分上季主力。新兵方面，除了復賽期間來投的黃俊皓、中村祐人、曾錦濤以及前冠忠南區U22球員劉穎笙之外，「曉明Sir」亦表示已羅致一位西班牙守將，希望這位狂牛兵的特點，能夠針對改善球隊的弱點：「希望新搵嚟嘅中堅有強嘅制空能力之餘，都可以維持番組織型嘅踢法。」
39歲的佐迪身份上亦有變化，今季成為理文助教；雖然告別綠茵場的最後一刻，沒有球迷現場見證感覺奇怪，但佢話「有得練波有得比賽都值得慶幸，依家滿腦子都係做好新崗位嘅工作。」首日開操，佐迪主要負責進攻訓練，包括指導球員走位及射門動作，態度認真。由於富力R&F退出，加上北韓代表有機會被亞洲足協禁止出戰亞洲賽，理文有可能獲得出戰亞協盃外圍賽的機會，曾經歷亞冠賽事的曾錦濤，直言對再次登上亞洲賽賽場充滿期待：「亞洲賽始終係為香港而戰，隊中年輕球員好少機會踢到，佢哋都好想攞番啲經驗，我想同呢班新隊友一齊出戰亞洲賽。」圖／文：林卓臻