on.cc東網直播旺角場銀牌王者戰 東方龍獅理文紅日爭霸

今屆「高級組銀牌」自去年12月底完成4強賽事後，決賽受疫情影響，延遲近8個月才上演。今日兩隊均有主力無緣出戰，其中東方龍獅兩大射手盧卡斯及辛祖，均不符合上陣資格，只能齊齊於觀眾席做看客。理文亦有王牌射手尼迪利停賽，中村祐人及黃俊皓等新兵亦未能披甲，如何部署極考心思。

堅Sir未拎過充滿動力

復賽後3線作戰的東方龍獅，周一捧走「足總盃」，全隊士氣處於高峰，主教練李志堅笑言捧盃感覺非常開心，認為球隊有足夠信心。話雖如此，「堅Sir」認為理文和東方一樣，是停賽期間基本陣容變動較少的球隊，加上盧卡斯及辛祖缺陣，今場未敢輕視對手。首季執教東方即「有盃落袋」，「堅Sir」對銀牌仍然「流口水」：「本身自己未攞過銀牌，所以動力會大啲。」

理文上仗聯賽不敵傑志，前鋒尼迪利更領黃，「夠數」下需要停賽，但就有整整一周時間作調整，比東方更充裕，主教練陳曉明承認有幫助：「有足夠休息，情況會比對傑志嗰陣好好多，依家有7日時間準備，希望起碼發揮到自己嘅水平。」

曉明Sir：贏到係個躍進

繼上季贏得「菁英盃」，理文今季更有機會染指「高級組銀牌」，「曉明Sir」明白今次奪冠，對理文未來發展的意義：「球會歷史始終唔係咁耐，對投資者嚟講，上年攞到『菁英盃』係鼓舞嘅，『銀牌』更加係香港歷史最悠久嘅淘汰賽，如果贏到，對球隊嚟講係一個躍進，雖然贏同輸係一線之差，但一個實質嘅冠軍係重要嘅。」