滯港半年，幸有彼此陪伴在旁，巴辛和斯薩才得以稍為紓解思鄉之情。比巴辛年長的斯薩，有時更會扮演哥哥扶持對方。「我成日同佢講，心態一定要夠強先可以堅持落去，可能我比佢較多經驗，7年前我已經踢過愉園，比佢容易啲適應，同埋一直以嚟我都幫佢翻譯，我就好似變咗佢大佬咁照顧住佢。」Cesar說。
觀察巴辛的Instagram，你會發現有很多與流浪一眾隊友的合照，他自己亦坦言，全靠隊內職、球員今年的熱心幫助，他才得以適應在香港的生活：「基藍馬、安基斯、安達、『賴Sir』（流浪教練團之一賴嘉輝）等嘅流浪人，今年幫咗我哋好多，佢哋到依家仲有間中Send訊息嚟問候我哋。當然Mr. Mok（會長莫耀強）、總監Philip都十分照顧我哋！好感恩流浪所有人都對我哋好好，我希望下季可以為流浪射入20球，以報答佢哋！」