正值回港休假之際，葛浚浠6月獲邀參加為期3周的港隊Ｕ23訓練營，備戰明年舉行的「亞洲足協Ｕ23錦標賽」外圍賽。縱使因為在美國的經歷，一度令他失去鬥志，但「冬菇」坦言在集訓營訓練的這段時間，令他重燃對足球的熱誠：「一路練落都真係感受到股鬥心仲喺度，發現自己對足球仲係有要求。同一班同齡嘅球員練波係有陣青春嘅感覺，令我對呢個團隊更加有歸屬感。」
他又引用電影《蜘蛛俠》內的名句「能力愈大，責任愈大」解釋，並非每一位青年都能幸運地擁有出國讀書和踢足球的機會，既然社會運用資源培育他成為一位有為的人，那「冬菇」也有義務肩負起更大的責任，將從外國獲得的經驗回饋香港：「我係一位足球員之前，首先係一位公民，亦係一位香港人，呢種身份令我覺得自己要爭氣，唔可以衰畀人睇。」