衝擊亞洲盃計劃改革梯隊結構

年初足總公布的「展望2025策略計劃」中，進身「2030女子亞洲盃」決賽周成為香港女足一大目標，培訓適齡年輕球員亦因此成為發展焦點，繼早前3月土耳其盃大軍中加入林永嫺和陳頌文等年輕球員後，港隊女足經理黃若玲（Betty）亦表示於今次港隊集訓中提拔了不少具潛質小將。與一隊球員一齊訓練強度更高，自然能刺激年輕球員進步，但Betty亦明白到培訓年輕球員切忌着急的道理，希望在小將成長過程中拿捏好分寸：「我哋都好想掹多啲有能力嘅球員，跟多啲大隊踢，同佢哋踢得多，防守要快啲，進攻波速又要行啲。但係當然要好小心，有啲（小將）好有潛質，不過未完全發育，好容易會受傷，唔好拔苗助長。」為了集中培育新一代球員，Betty亦透露有計劃對港隊梯隊進行重組，將女足Ｕ23年齡上限調低至Ｕ21：「降低年齡主要係想吸納一班Ｕ18小將，不想流失呢班球員。」